Matyu 11:16 - Di Jamiekan Nyuu Testiment

¹⁶ “Di piipl we a liv iina dem taim ya, a we dem komiin laik? Dem komiin laik pikni we a sidong iina di maakit an a ala tu dem wan aneda,

Matyu 11:16 ပူးပေါင်းရင်းမြစ်များ

Matyu 11:15

Enibadi we av iez — beta lisn gud!

Matyu 11:17

“‘Wi plie di fluut fu'unu, an unu no daans: wi sing wan finaral sang, an unu no baal.’

Matyu 12:34

Unu likl siniek pikni unu! Ou unu kyan se notn we gud, wen unu wikid an tan bad? Kaaz wa kom outa yu mout, a wa de iina yu aat.

Matyu 23:36

A tel unu dis ya, an a chuu mi a taak, da set a piipl ya, we a liv iina da taim ya, a unu a-go pie fi aal a dem sitn ya!

Matyu 23:7

Dem lov wen piipl gi dem speshal oudi wen dem go a maakit, an wen dem kaal dem, ‘Tiicha’.

Matyu 24:34

Mi a tel unu dis an a chuu mi a taak, di piipl we a liv iina dem taim ya naa go ded til aal a dem sitn ya apm.

Maak 12:38

Wen Jiizas did a tiich dem im se, “Unu si dem Laa tiicha de, wach unuself an mek shuor se unu no komiin laik dem! Dem lov waak bout iina lang jakit an get speshal oudi wen dem go a maakit.

Maak 4:30

Jiizas aks di piipl dem agen, “Wa wi kyan se Gad kindom tan laik? Ar wa kain-a tuori wi kyan yuuz fi elp piipl andastan it?

Luuk 11:43

“Unu Farisii — chobl fi unu! Kaaz unu lov fi sidong iina di bes siit iina di Juu dem choch. An unu lov wen piipl gi unu speshal oudi wen unu go a maakit.

Luuk 13:18

Jiizas aks dem se, “Ou Gad kindom tan? Wa it komiin laik?