Matyu 11:11 - Di Jamiekan Nyuu Testiment

¹¹ Mek mi tel unu dis, Jan di Baptis biga dan enibadi we eva baan fram wan uman. Bot iivn di luowis sumadi iina Gad kindom, biga dan im.”

Matyu 11:11 ပူးပေါင်းရင်းမြစ်များ

Matyu 11:10

A Jan it a taak bout wen it rait dong se: “‘Luk, mi wi sen mi mesinja fi gwaan til yu kom, im a-go get piipl redi fi yu.’

Matyu 11:12

Fram Jan a priich til nou, wikid piipl a chrai fait gens Gad kindom an powaful piipl chrai fi fuos an tek it uova.

Matyu 3:1

Nou iina dem die de, wan man niem Jan di Baptis kom iina di dezot paat a Judiya an staat priich Gad wod.

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Matyu 5:19

So ier mi nou, enibadi we brok dong tu di liklis Laa, an go tiich piipl se di Laa no mata an mek dem brok it tu, outa aal di piipl dem we Gad ruul uova, da sumadi de naa go mata so moch iina Gad yai. Bot enibadi we lisn di Laa an du wa it se, an tiich piipl fi du dat tu, dem a-go get tap-a-tap pozishan iina Gad kindom.

Luuk 1:15

Yu bwai pikni a-go speshal iina Gad yai. Im no fi jringk no wain ar no ada chrang jringk. Di Uoli Spirit a-go kanchuol im fram im iina im mada beli.

Luuk 7:28

Mek mi tel unu dis, Jan biga dan enibadi we eva baan. Bot iivn di luowis sumadi iina Gad kindom, biga dan im.”

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

Jan 1:15

Jan kom an im tel piipl bout im. Im baal out an tel dem se, “Da wan ya, a im mi did a taak bout wen mi tel unu se, ‘Di sumadi we de kom afta mi, im wie wie biga an beta dan mi, kaaz im did de bout fram lang bifuo mi baan.’ ”

Jan 1:27

Mi no iivn gud inof fi pul di chrap dem pan im slipaz. Im a-go pik op afta mi lef an gaan.”

Jan 10:41

Uol iip a piipl kom tu im, an dem se, “Duo Jan neehn du no iivn wan mirikl, aal a we im did se bout da man ya a did chuu.”

Jan 3:30

Da man de we a baptaiz piipl, im afi get biga an biga. Mi, mi afi get sumaala an sumaala.

Jan 5:35

Jan did komiin laka wan lamp we a bon an gi out lait, an unu did glad fi di lait fi likl bit.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

1 Korintiyan 15:9

Kaaz di res a apasl dem beta dan mi. Mi no gud inof fi dem iivn kaal mi wan apasl kaaz mi yuus tu mek Gad piipl sofa bad bad an mi aal did kil aaf som a dem.

1 Korintiyan 6:4

So wen unu av prablem iina di choch an piipl a kwaril wid dem wan aneda, unu a-go pik piipl we no av notn fi du wid di choch fi saat out di mata?

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

2 Timoti 1:10

Nou Jiizas Krais wi sievya shuo wi ou im kain wen im kom an mek it so dat wi kyaahn ded. Im tiich di Gud Nyuuz so dat wi kuda andastan wa it miin fi liv fi eva.

Iibruu 11:40

Kaaz Gad did plan fi du sitn we wie wie beta fi wi, so wi an dem kyan bi aal a wa Gad waahn wi fi bi di siem taim.

1 Piita 1:10

Di prafit dem did sorch out aad aad fi chrai an andastan di wie ou Gad siev di piipl dem we chos iina im. An a di sorch we dem did sorch mek dem kuda taak bout ou Gad a-go siev unu.