Matyu 10:6 - Di Jamiekan Nyuu Testiment

⁶ Wa unu fi du, a go tu di Izrel piipl dem we komiin laik wan set a laas shiip.

Matyu 10:6 ပူးပေါင်းရင်းမြစ်များ

1 Piita 2:25

Kaaz unu did a chrie laik laas shiip, bot nou Gad bring unu bak fi tek kier a unu, jos laik ou di shepad tek kier a im shiip dem. An im bring unu bak fi wach uova unu an fi mek shuor se unu aarait.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 3:26

So wen Gad riez op Jiizas im sorvant, im sen im kom a unu fos fi bles unu. Im bles unu wen im kaaz unu fi ton we fram unu wikidnis.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 18:6

Wen dem go gens im an kos im out, im tan op tu dem, shiek di dos aafa im kluoz fi mek dem nuo se Gad no api wid dem an im a-go joj dem. Den im tel dem se, “Fram nou aan, ef Gad joj an ponish unu a fu'unu faalt! Mi no rispans! Fram nou aan mi wi go tu di piipl we a no Juu.”

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.