Matyu 10:5 - Di Jamiekan Nyuu Testiment

⁵ A dem twelv piipl ya Jiizas did sen out, an dis a wa im did tel dem fi du: “No go wich paat di piipl dem we a no Juu de, an no go iina di toun dem we di Samaritan piipl dem liv.

Matyu 10:5 ပူးပေါင်းရင်းမြစ်များ

Jan 4:9

So nou, di Samaritan uman se tu Jiizas se, “Yu a wan Juu an mi a wan Samaritan uman. Ou yu fi de aks mi fi gi yu waata fi jringk?” (Shi se so, kaa di Juu dem neehn miks an minggl wid Samaritan piipl.)

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

Luuk 17:16

Im chuo imself a Jiizas fut an tangk im. An im a did wan Samaritan.

Aks 10:45

Di Juu dem we biliiv iina Jiizas an we did kom wid Piita did shak. Dem did shak fi si se Gad gi di Uoli Spirit iivn tu di piipl we a no Juu.

Luuk 9:2

Im sen dem out fi tel piipl bout Gad kindom an fi kyuor di sik.

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Jan 20:21

So Jiizas se tu dem wan neks taim se, “Piis! Siem laka ou di Faada sen mi iina di worl, a siem wie so mi a sen unu iin de.”

Jan 7:35

Di Juu liida dem den se tu dem wan aneda se, “A we da man ya plan fi go so, dat wi naa go kyan fain im? A go im a-go go tu di Juu piipl dem we skyata skyata mongks di Griik piipl dem, so dat im kyan tiich di Griik piipl dem?

Jan 4:5

Nou, wen im did a go chuu Samieriya, im en op iina wan toun we dem kaal Saikaar. Saikaar neehn faar fram di lan we Jiekob did gi im bwai, Juozif,

Luuk 10:33

Bot wan man we kom fram Samieriya did a chravl pan di siem ruod. Wen im riich wich paat di man de an si im, im fiil sari fi im.

Matyu 4:15

“Zebyulan an Naftali, di plies dem we yu afi paas wen ya'a go a Gyalalii sii, di plies dem we de kraas fram Riva Jaadn, di siem Gyalalii we di piipl dem we a no Juu liv —

Aks 8:1

An Saal did de de an im did biliiv se dem did rait fi kil Stiivn. Da die de wan torbl sofarieshan tek di choch iina Jeruusilem. An aal a di biliiva dem did get skyata skyata aal uova Judiya an Samieriya. Onggl di apasl dem neva get skyata skyata.

Jan 8:48

Di Juu piipl dem fram Jeruusilem ansa im se, “No chuut wi a taak wen wi se yu a wan Samaritan an yu av diiman iina yu?”

Jan 4:20

Wi faada faada dem worship Gad pan da mountn ya, bot unu, unu Juu piipl taak bout ou a Jeruusilem piipl fi worship Gad.”

Luuk 10:1

Afta dis, di Laad pik sevnti-tuu a im ada falara dem an sen dem out tuu tuu, fi go evriwe im plan fi go.

Matyu 22:3

Wen a taim nou fi di dina, di king sen im sorvant dem fi go kaal aal uu im did invait, bot dem wudn kom.

Maak 6:7

Im kaal im twelv apasl dem an sen dem out tuu tuu an gi dem di rait fi ron out wikid spirit.

Luuk 9:1

Jiizas kaal im twelv apasl dem tugeda an gi dem powa an di rait fi ron out diiman an fi kyuor sik piipl.

Jan 17:18

Siem laka ou yu sen mi kom iina di worl, a siem wie so mi sen dem iina di worl.