Matyu 10:25 - Di Jamiekan Nyuu Testiment

²⁵ Fi di falara kom ton laik im tiicha — di falara no waahn muo dan dat, an fi di sliev kom ton jos laik im maasta, di sliev sopuoz fi aarait wid dat. Ef piipl kaal di ed fi di ous ‘Belzibul, di diiman ruula,’ a wich wosa niem dem a-go kaal di res a im fambili dem?

Matyu 10:25 ပူးပေါင်းရင်းမြစ်များ

Matyu 12:24

Bot wen di Farisii piipl dem ier dis, ier dem no, “Im kyaahn ron out no diiman ef a no Belzibul, di diiman ruula, gi im powa fi ron dem out.”

Matyu 12:27

An ef a Belzibul gi mi powa fi ron out diiman, den a uu gi fi unu falara dem powa fi ron dem out? Di sitn dem we unu uona falara dem du, pruuv se unu rang.

Matyu 9:34

Bot di Farisii dem se, “A di liida fi diiman gi im powa fi ron out diiman.”

Maak 10:39

Dem se, “Ye, wi kyan du dat.” Den Jiizas se tu dem se, “Fi riil, unu a-go jringk fram di kop we mi jringk fram an baptaiz di siem wie mi get baptaiz,

Maak 3:22

Di Laa tiicha dem we did kom dong fram Jeruusilem se, “Im av Belzibul, di diiman ruula, iina im. A Belzibul gi im powa fi ron out diiman.”

Luuk 11:15

Bot som a dem se, “A Belzibob, di diiman ruula, gi im powa fi ron out diiman.”

Luuk 11:18

So, ef Sietan a fait gens imself, ou im kindom fi laas? Mi a aks unu dis sins unu se a Belzibob gi mi powa fi ron out diiman.

Luuk 11:19

Nou, ef a Belzibob gi mi powa fi ron out diiman, den a uu gi fu'unu piipl powa fi ron dem out? Unu uona piipl a-go se unu rang bout mi.

Jan 10:20

Nof a dem se, “Im av wan diiman iina im an im tif stuon mad. Wa unu a lisn tu im fa?”

Jan 7:20

Di kroud a piipl dem den se tu im se, “Yu av diiman iina yu! A uu a chrai kil yu?”

Jan 8:48

Di Juu piipl dem fram Jeruusilem ansa im se, “No chuut wi a taak wen wi se yu a wan Samaritan an yu av diiman iina yu?”

Jan 8:52

Wen di Juu piipl dem fram Jeruusilem ier dis ya, ier dem, “A nou wi nuo se yu av diiman iina yu! Iebriyam an di prafit dem ded, an yu a se, ‘Enibadi we du wa mi tiich naa go ded’!