Matyu 10:19 - Di Jamiekan Nyuu Testiment

¹⁹ Bot wen dem uol aan pan unu an kyari unu go kuot, no bada fret bout wa unu a-go se ar ou unu a-go se it. Kaaz wen da taim de kom unu wi get di rait wod fi se.

Matyu 10:19 ပူးပေါင်းရင်းမြစ်များ

Matyu 10:18

An kaaz unu a fi mi falara, dem a-go aal unu infronta di ruula an di king dem, da wie ya nou, unu kyan tel dem bout mi, an unu kyan tel di piipl dem we a no Juu tu.

Matyu 6:25

“So mi a tel unu, no bada fret bout unu laif, a wori op unuself bout wa unu a-go iit ar jringk, ar wa unu a-go wier. Kaaz laif no muo impuotant dan fuud, iihn? An di badi no niid muo dan kluoz?

Matyu 6:31

Ier mi man, no wori an fret bout, ‘Wa mi a-go nyam?’ ar ‘A wa mi a-go jringk?’ ar a se, ‘A wa mi a-go wier?’

Matyu 6:34

So no bada wori an fret bout tumaro; tumaro wi tek kier a itself. Aftaraal, tide av fi it uona set a badarieshan.”

Luuk 12:11

“Wen dem kyari unu bifuo di Juu dem choch, di ruula dem an di piipl dem we av uol iip a powa fi aal sen piipl go ded, no fret bout ou unu a-go difen unuself, ar wa unu fi se ar ou unu fi se it,

Luuk 12:12

kaaz di Uoli Spirit wi tel unu wa fi se wen da taim de kom.

Aks 6:10

bot dem fain se dem kudn manij im, kaaz di Spirit did mek im wel waiz an tel im aal wa im fi se.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.