Matyu 10:1 - Di Jamiekan Nyuu Testiment

¹ Jiizas kaal op im twelv falara dem an gi dem di rait fi ron out wikid spirit. An im gi dem di rait an powa fi get piipl beta we sik iina aal kain-a wie an we av aal kain-a siknis.

Matyu 10:1 ပူးပေါင်းရင်းမြစ်များ

Luuk 10:19

Mi gi unu di powa fi waak pan siniek an skaapiyan. Mi gi unu powa, muor powa dan we di enimi av. Notn bad kyaahn du unu.

Luuk 24:49

An luk, mi a sen unu we mi Faada pramis fi gi unu, bot tan iina di siti til unu get powa fram evn.”

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Jan 3:27

Bot Jan se tu dem se, “Sumadi kyan onggl av wa Gad gi dem.

Luuk 6:13

Wen die lait, Jiizas kaal im falara dem an pik out twelv a dem. Im kaal dem twelv de im apasl.

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Aks 19:15

Bot di diiman ansa dem bak an se, “Mi nuo Jiizas, an mi nuo bout Paal. Bot yu, a uu yu bi?”

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Jan 3:35

Di Faada lov im Bwai Pikni, an im gi im powa uova evriting.

Revilieshan 12:1

Den mi si wan powaful sain iina evn: wan uman we luk laik shi av aan di son — rap roun ar laik ar kluoz, an di muun anda ar fut an wan kroun pan ar ed wid twelv staar.

Matyu 26:47

Wen Jiizas did stil de de a taak, Juudas, wan a im twelv speshal falara dem, kom. Wan bag a piipl kom wid im. Dem did kom wid suod an big tik, an a di ed priis an Juu liida dem did sen dem.

Matyu 26:20

Wen iivnin kom, im go sidong a di tiebl wid im twelv falara dem.

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Matyu 4:23

Da taim de, Jiizas did go aal uova Gyalalii a tiich iina di Juu dem choch. Im did a priich di gud nyuuz bout Gad kindom an a get piipl beta — piipl we av aal kain-a siknis an we sik iina aal saat a wie.

Matyu 9:35

Den Jiizas go bout iina aal a di toun an dischrik dem a tiich iina di Juu dem choch, a priich di gud nyuuz bout Gad kindom an a get piipl beta we av aal kain-a siknis an a sofa fram aal saat a kraasiz.

Matyu 9:38

So aks di Laad we uon di fuud fi sen out piipl fi pik dem.”