Matyu 1:20 - Di Jamiekan Nyuu Testiment

²⁰ Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Matyu 1:20 ပူးပေါင်းရင်းမြစ်များ

Luuk 1:19

Di ienjel tel im se, “Mi a Giebrel. Mi tan op bifuo Gad an im sen mi fi taak tu yu an fi tel yu di gud nyuuz.

Matyu 1:18

Dis a ou Jiizas Krais did baan. Im mada Mieri did jos ingiej fi marid Juozif, dem neehn kom liv tugeda yet laik ozban an waif, bot dem fain se shi did av biebi iina beli, an a di Uoli Spirit did put di biebi de.

Matyu 2:19

Afta Erad ded, luk ya no: wan a di Laad ienjel dem no jriim Juozif wen im de a Iijip.

Luuk 2:4

So kaaz Juozif did kom fram Dievid fambili an Dievid did baan iina Judiya, im did afi lef fram Nazaret iina Gyalalii an go a Betliyem iina Judiya.

Matyu 28:5

Bot di ienjel se tu di uman dem se, “No fried; mi nuo se a Jiizas unu a luk fa, di wan we dem kil pan di kraas.

Matyu 2:22

Bot wen im ier se a Erad pikni, Arkelos, tek uova an did a ruul Judiya, im kech im fried an neehn waahn go de-so. An kaa Gad did waan im aaf iina wan jriim, im lef go Gyalalii insted.

Matyu 2:13

Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Matyu 2:12

Nou, chuu Gad did don waan dem aaf, an tel dem iina wan jriim se dem no fi go baka Erad, dem tek wan neda wie go baka dem konchri.

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Revilieshan 19:7

Mek di uol a wi jomp op an dong wid jai iina wi aat. Mek wi gi'im nof rispek an ana! Kaaz di taim kom nou fi di Biebi Shiip get marid, an di uman we im fi marid tu, redi an a wiet pan im.