Matyu 1:19 - Di Jamiekan Nyuu Testiment

¹⁹ Nou Juozif, di man we shi did ingiej fi marid, im a did wan gud man we aalwiez du wa rait. Im neehn waahn shiem ar infronta evribadi, so im mek op im main fi lef ar anda di kwaiyat.

Matyu 1:19 ပူးပေါင်းရင်းမြစ်များ

Maak 10:4

Dem ansa se, “Muoziz lou di man dem fi rait wan piepa gi dem waif fi shuo se dem no marid no muor.”

Maak 6:20

kaaz Erad did wel rispek Jan an protek im, kaaz im nuo se Jan a did wan gud man we aalwiez du wa rait. Erad did lov fi lisn tu Jan, iivn duo evritaim im ier im, wa Jan se kanfyuuz im muor an muor.

Luuk 2:25

Nou yu did av wan man iina Jeruusilem niem Simiyan. Simiyan a did wan gud sumadi we riili did a liv fi Gad. Im did a wiet fi Gad frii Izrel fram sofarieshan an di Uoli Spirit did de wid im.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 27:39

Wen die lait, dem neva nuo wich paat dem did de, bot dem si wan ieriya we luk laik wan bie wid wan biich. So dem mek op dem main fi chrai an ron di ship pan di san bangk.

2 Korintiyan 1:15

An kaaz mi did shuor se unu wuda andastan an welkom mi, mi did plan fi kom si unu fos, so dat unu kuda get bles tuu taim,