Maak 9:42 - Di Jamiekan Nyuu Testiment

⁴² “Ef nobadi mek wan a dem likl pikni ya we biliiv iina mi sin, it wuda beta fi dem ef sumadi tai wan big big rakstuon roun dem nek an fling dem iina di sii.

Maak 9:42 ပူးပေါင်းရင်းမြစ်များ

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 18:6

Bot enibadi we mek wan a dem likl pikni ya, we biliiv iina mi, sin, dem wuda betaraaf ef wan big big rakstuon did tai roun dem nek an dem go joun dong a di batam a di sii.

Aks 9:4

Im jrap a grong an ier sumadi se tu im se, “Saal, Saal, wa mek yu a mek mi sofa?

Ruoman 14:13

So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Ruoman 15:21

bot insted-a dat, siem laik ou it rait dong iina Gad wod: “Di piipl we nobadi neva tel bout Jiizas, dem wi si an di wan dem we neva ier bout im, dem wi andastan.”

Ruoman 16:17

Nou breda an sista, mi a beg unu wach out fi di piipl we kaaz di piipl iina di choch fi plit op an fait wid dem wan aneda, we kaaz piipl fi ton we fram wa dem biliiv an we taak gens an tiich tingz we no lain op wid wa unu did lorn. No av notn fi du wid dem!

2 Korintiyan 6:3

Wi mek shuor se wi no du notn we wuda kaaz piipl fi no biliiv iina di mesij we wi a tiich. Wi no waahn nobadi fi av notn bad fi se bout di wok we wi a du.

Filipiyan 1:10

an fain out di sitn dem we rait. Mi prie se wen unu fain out dem sitn de unu wi liv rait so nobadi kyaahn paint no fingga pan unu wen Krais Jiizas kom bak,

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.

2 Piita 2:2

A uol iip a piipl a-go fala dem an du aal kain-a naasinis. An siek-a wa dem du, ada piipl a-go waahn se aal kain-a bad sitn bout di wie we riili liid tu Gad — an aal gi da wie de bad niem.