Maak 9:25 - Di Jamiekan Nyuu Testiment

²⁵ Wen Jiizas si se wan kroud a piipl staat gyada op faas faas, im chat tu di diiman chrang chrang an tel im se, “Yu spirit we mek di bwai kyaahn taak ar ier, mi a tel yu, kom outa im an neva go iina im agen!”

Maak 9:25 ပူးပေါင်းရင်းမြစ်များ

Matyu 12:22

Den dem kyari wan man we did av diiman iina im kom tu Jiizas. Di man did blain an im kudn chat niida. Jiizas mek im get bak beta, so di man kuda taak an si.

Matyu 17:18

Jiizas ron out di diiman, an it kom outa di bwai. Di pikni get beta fram da taim de.

Maak 9:15

Wen di piipl si Jiizas, dem did shak, so dem ron go miit im siem taim.

Maak 9:24

Siem taim di bwai faada baal out, “Mi biliiv, elp mi fi biliiv muo!”

Maak 9:26

Di spirit baal out an shiek di bwai aad aad an kom outa im. Afta im kom out di bwai luk laik wan ded man an nof a di piipl dem se, “Im ded!”

Luuk 11:14

Wan taim Jiizas did a ron wan diiman outa wan man. Nou, di man kudn taak kaaz di diiman did mek im dom. Afta Jiizas ron out di diiman, di man staat chat, an evribadi we si wa apm jaa jrap uopm.

Luuk 4:35

“Kiba yu mout!” Jiizas se iina wan siiros vais. “Kom outa di man!” Di diiman fling dong di man fronta evribadi an kom out bot neva ort di man.

Luuk 4:41

Diiman kom outa nof piipl an a shout, “Yu a Gad pikni!” Dem did nuo se im a di Krais, so Jiizas mek dem kyaahn se notn.

Luuk 8:29

Im se dat kaaz Jiizas did staat fi tel di diiman fi kom outa im. (Uol iip a taim di diiman did tek im uova. So piipl yuus tu chien op im an an fut dem, an gyaad im. Bot im wuda brok outa di chien dem an di diiman wuda kyari im go wich paat nobadi no de.)

Luuk 9:42

Wen di bwai did a kom tu Jiizas, di diiman fling im a grong an di bwai staat flata. Bot Jiizas aada di diiman fi kom out an im kyuor di bwai an gi im bak tu im faada.

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Juud 1:9

Bot no iivn Maikal, Gad ed ienjel, wen im an di devl did a aagyu bout Muoziz badi, im neva brait inof fi kos out di devl an kaal dong jojment pan im. Im jos tel im se, “Gad a-go put yu iina yu plies.”