Maak 9:24 - Di Jamiekan Nyuu Testiment

²⁴ Siem taim di bwai faada baal out, “Mi biliiv, elp mi fi biliiv muo!”

Maak 9:24 ပူးပေါင်းရင်းမြစ်များ

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Maak 9:25

Wen Jiizas si se wan kroud a piipl staat gyada op faas faas, im chat tu di diiman chrang chrang an tel im se, “Yu spirit we mek di bwai kyaahn taak ar ier, mi a tel yu, kom outa im an neva go iina im agen!”

Luuk 17:5

Di apasl dem se tu di Laad se, “Laad, elp wi fi chos iina yu muor!”

Luuk 7:38

Shi go baka im, tan wich paat im chrech out im fut an staat baal. Shi mek ar yai-waata wet op im fut an waip dem aaf wid ar ier, den shi kis dem an chuo out di porfyuum pan dem.

Luuk 7:44

Im ton tu di uman an se tu Saiman, “Yu si da uman ya? Mi kom a yu yaad an yu no gi mi no waata fi wash mi fut. Bot da uman ya wash mi fut wid ar yai-waata an waip dem wid ar ier.

Aks 10:19

Piita did stil a tingk bout di vijan wen di Uoli Spirit se tu im se, “Luk Piita, chrii man a luk fi yu.

Aks 10:31

Im se tu mi se, ‘Kaaniiliyos, Gad ier yu prieya an im memba wa yu du fi puo piipl.

2 Korintiyan 2:4

Wen mi did rait da leta de mi did sad bad bad. Mi aat did so evi mi aal baal wen mi a rait it. Mi neva rait it fi mek unu sad, bot mi rait it fi mek unu nuo umoch mi lov unu bad bad.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

2 Timoti 1:4

Mi memba ou yu did baal an it mek mi waahn fi si yu. Kaaz mi nuo se ef mi si yu mi wuda api.

Iibruu 12:17

Yu nuo se likl muo fram dat wen im did waahn get da blesn de nou, dem ton im bak. Im kudn tek bak wa im did du, aal wen im kom a baal.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.