Maak 9:23 - Di Jamiekan Nyuu Testiment

²³ Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Maak 9:23 ပူးပေါင်းရင်းမြစ်များ

Matyu 14:29

So Jiizas se, “Kom!” Piita kom outa di buot, waak pan di waata an a go tu Jiizas.

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Maak 11:23

Ier wa mi a se, an a chuu mi a taak, ef nobadi se tu da mountn ya, ‘Git op an go fling yuself iina di sii,’ ef im riili biliiv iina im aat an no staat wanda ef it riili a-go apm, it wi apm fi'im fi chuu.

Maak 9:22

Uol iip a taim di diiman fling im iina faiya an iina waata fi kil im. Bot ef yu kyan du notn fi'im, tek piti pan wi an elp wi, du.”

Maak 9:24

Siem taim di bwai faada baal out, “Mi biliiv, elp mi fi biliiv muo!”

Luuk 17:6

Jiizas se, “Ef unu did chos iina mi likl bit, iivn laka wan likl likl siid, unu kuda se tu da big bredfruut chrii ya, ‘Ruut op yuself fram ya-so an go plaant yuself iina di sii,’ an it wuda du wa unu tel it fi du.

Jan 11:40

Den Jiizas se, “Duohn mi tel yu se ef yu biliiv, yu wuda si ou Gad big an powaful?”

Aks 14:9

Im did a lisn tu Paal a priich bout Jiizas. Paal luk chriet pan im an si se im did biliiv iina Gad inof se Gad kuda get im beta.

Iibruu 11:6

Nou ef sumadi no chos iina Gad, dem kyaahn mek im api non at aal. Kaaz enibadi we kom kom worship Gad afi biliiv fos se Gad de fi chuu, an dat im a-go du som uol iip a gud sitn fi di wan dem we luk fi im aad aad.