Maak 9:22 - Di Jamiekan Nyuu Testiment

²² Uol iip a taim di diiman fling im iina faiya an iina waata fi kil im. Bot ef yu kyan du notn fi'im, tek piti pan wi an elp wi, du.”

Maak 9:22 ပူးပေါင်းရင်းမြစ်များ

Luuk 7:13

Wen di Laad si ar, im sari fi ar an tel ar se, “Osh! No bada baal!”

Maak 5:19

Bot Jiizas neva mek im go wid im. Insted-a dat, im se tu im se, “Go a yu yaad, go tu yu uona piipl dem an tel dem aal wa di Laad du fi yu. Tel dem ou im gud an kain tu yu.”

Matyu 20:34

Jiizas fiil sari fi dem an toch dem yai — Braps! Dem yai get beta an dem kuda si, an di man dem fala Jiizas.

Matyu 14:31

Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”

Matyu 9:28

Wen Jiizas go iina di ous, di tuu blain man kom tu im, Jiizas se tu dem se, “Unu biliiv se mi kyan du dis?” Dem ansa bak, “Yes, Laad.”

Matyu 8:2

Den wan man no kom tu Jiizas, im did av wan siknis we mek im skin fasi-fasi. Di man go dong pan im nii infronta Jiizas an se, “Laad ef yu waahn fi kyuor mi an mek mi kliin, yu av di powa fi dwi'it.”

Matyu 17:15

im se, “Laad, tek piti pan mi bwai an mek im get beta du. Somtaim a laik se im a get mad. Im kech fits an it du im bad bad sa. An no wan an tuu taim im jrap dong iina faiya, an iina waata.

Maak 9:21

So Jiizas aks di bwai faada, “Ou lang sins im a sofa so?” Im se, “Fram im a likl pikni sa.

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”