Maak 9:18 - Di Jamiekan Nyuu Testiment

¹⁸ Enitaim di diiman tek kanchuol a im, it mek im fling dong imself a grong, im mout fraat op fraat op, im grain im tiit an tifn op imself. Mi beg yu falara dem fi ron out di spirit, bot dem kudn dwi'it.”

Maak 9:18 ပူးပေါင်းရင်းမြစ်များ

Maak 11:23

Ier wa mi a se, an a chuu mi a taak, ef nobadi se tu da mountn ya, ‘Git op an go fling yuself iina di sii,’ ef im riili biliiv iina im aat an no staat wanda ef it riili a-go apm, it wi apm fi'im fi chuu.

Maak 9:26

Di spirit baal out an shiek di bwai aad aad an kom outa im. Afta im kom out di bwai luk laik wan ded man an nof a di piipl dem se, “Im ded!”

Maak 9:20

So dem kyari di bwai tu im. Wen di diiman si Jiizas, im mek di bwai staat shiek aad aad siem taim. Im jrap a grong, staat ruol bout, an im mout staat fraat op fraat op.

Matyu 17:16

Mi bring im kom tu yu speshal falara dem bot dem kudn mek im get beta.”

Aks 7:54

Wen di Juu liida dem ier dis dem beks wid im so til dem staat grain dem tiit.

Juud 1:13

Di wikid sitn we dem du a-go shuo op laik fraat pan sii waata. Dem piipl ya komiin laik staar we no tan we Gad put dem fi tan, so Gad a-go lak dem op iina wan daak daak plies fi eva an eva.

Matyu 15:22

Outa di bluu wan Kienanait uman we did liv iina da ieriya de kom kom a baal out, “Laad, Dievid pikni, tek piti pan mi du! Mi daata ful op a diiman bad bad sa.”

Matyu 8:12

Bot di wan dem we did fi bi paat a Gad kindom, Gad a-go chuo dem out go wan plies we blak laka midnait. De-so, piipl a-go a baal an a grain dem tiit di wie pien a waks dem.”

Maak 9:17

Wan man iina di kroud ansa se, “Tiicha, mi bring mi bwai pikni tu yu we av wan diiman iina im we mek im dom.

Maak 9:19

Jiizas se tu dem se, “Unu piipl iina da taim ya! Unu no biliiv! Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”