Maak 9:17 - Di Jamiekan Nyuu Testiment

¹⁷ Wan man iina di kroud ansa se, “Tiicha, mi bring mi bwai pikni tu yu we av wan diiman iina im we mek im dom.

Maak 9:17 ပူးပေါင်းရင်းမြစ်များ

Luuk 11:14

Wan taim Jiizas did a ron wan diiman outa wan man. Nou, di man kudn taak kaaz di diiman did mek im dom. Afta Jiizas ron out di diiman, di man staat chat, an evribadi we si wa apm jaa jrap uopm.

Maak 9:25

Wen Jiizas si se wan kroud a piipl staat gyada op faas faas, im chat tu di diiman chrang chrang an tel im se, “Yu spirit we mek di bwai kyaahn taak ar ier, mi a tel yu, kom outa im an neva go iina im agen!”

Jan 4:47

Wen im ier se Jiizas kom bak fram Judiya an dat im did de a Gyalalii, im go luk fi im an beg im fi kom wid im a Kyaporniyom fi mek im bwai pikni, we did bout fi ded, beta.

Luuk 9:38

Wan man iina di kroud baal out, “Tiicha, beg yu luk pan mi bwai. Im a mi wan an onggl pikni.

Maak 10:13

Som piipl did bring dem pikni tu Jiizas fi im toch dem. Bot Jiizas speshal falara dem staat tel aaf di piipl dem we bring di pikni dem kom an staat ron dem.

Maak 7:26

Di uman did taak Griik, an shi did bilang tu di Sairofoniisiyan chraib. Shi beg Jiizas fi ron out di diiman outa ar daata.

Maak 5:23

Im beg Jiizas, “Du, mi likl daata a-go ded! Du, mi a beg yu, kom put yu an pan ar an shi wi get beta an liv.”

Matyu 17:15

im se, “Laad, tek piti pan mi bwai an mek im get beta du. Somtaim a laik se im a get mad. Im kech fits an it du im bad bad sa. An no wan an tuu taim im jrap dong iina faiya, an iina waata.

Matyu 12:22

Den dem kyari wan man we did av diiman iina im kom tu Jiizas. Di man did blain an im kudn chat niida. Jiizas mek im get bak beta, so di man kuda taak an si.

Matyu 9:32

Wen Jiizas an im falara dem did a go we, piipl kyari wan man kom we did av wan diiman iina im an we kudn chat.

Maak 9:16

So im aks dem se, “A wa unu an dem a aagyu bout?”

Maak 9:18

Enitaim di diiman tek kanchuol a im, it mek im fling dong imself a grong, im mout fraat op fraat op, im grain im tiit an tifn op imself. Mi beg yu falara dem fi ron out di spirit, bot dem kudn dwi'it.”