Maak 8:38 - Di Jamiekan Nyuu Testiment

³⁸ Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Maak 8:38 ပူးပေါင်းရင်းမြစ်များ

Matyu 12:39

Bot Jiizas ansa dem se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona di prafit.

Matyu 13:41

Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Matyu 16:4

Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik we did apm wid Juona.” Den Jiizas lef dem an go we.

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 8:37

An wa sumadi kyan gi fi get bak dem laif?

Luuk 19:26

“Di King se, ‘Mi a tel unu, di wan we av, wi get muo, bot di wan we no av notn, iivn wa im av dem a-go tek we fram im.

Luuk 9:26

Ef enibadi shiem a mi an wa mi tiich, wen di man we Gad Pik kom, im a-go shiem a dem tu. Wen im kom im lait a-go shain roun im. An di lait we shain roun di Faada an di uoli ienjel dem, a-go shain roun im tu.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:51

Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Jan 12:34

So di kroud se tu im se, “Di Laa tel wi se di Krais gweehn stie fi eva, so ou yu a taak bout, ‘Di Man we Gad Pik a-go get lif op’? A uu a dis ya ‘Man we Gad Pik’?”

Jan 5:27

An pan tap a dat, di Faada gi di Bwai Pikni di powa fi joj piipl, kaaz a im a di Man we Gad Pik.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Ruoman 1:16

Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

Gyalieshan 6:14

Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

2 Timoti 1:16

Mi prie se Gad wi gud an kain tu Onisiforos an im fambili. Kaaz im neva shiem fi kom luk fi mi iina jiel an fi mek mi aat api.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

Iibruu 11:16

Insted-a dat dem did a luk fi wan beta plies — wan we de a evn. So Gad no shiem fi se im a fi dem Gad, kaaz im get wan siti redi fi dem.

Iibruu 11:26

Im did fiil se di sofarieshan we di wan we Gad sen fi siev piipl go chuu, wot muo dan aal a di rich sitn dem we de a Iijip. Im did fiil so, kaaz im yai did de pan di blesn dem we im did a-go get.

Iibruu 13:13

Wi fi galang outsaida di kyamp tu im den. Mek wi sofa an tek biit op, an tek di shiem we im did sofa tu.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Jan 2:23

Ef piipl ton dem bak pan di Bwai Pikni, dem no kluos tu di Faada. Bot ef piipl rispek an fala di Bwai Pikni, dem kluos wid di Faada tu.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.