Maak 8:31 - Di Jamiekan Nyuu Testiment

³¹ Den Jiizas staat tel im falara dem se, “Di Man we Gad Pik a-go afi go chuu nof nof sofarieshan, an di elda dem, di ed priis dem, an di Laa tiicha dem a-go ton dem bak pan im, an dem a-go kil im. Bot chrii die afta dat, im a-go kom bak alaiv.”

Maak 8:31 ပူးပေါင်းရင်းမြစ်များ

Matyu 12:40

Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Matyu 21:42

Jiizas se tu dem se, “Unu neehn riid iina Gad wod se: “‘Di rakstuon di bilda fling we, a it a uol op di bildin nou. A di Laad du dis, an wi yai uopm op waid waid wen wi si di sitn we im du’?

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Maak 12:10

Unu neva riid wa rait dong iina Gad wod, “ ‘Di rakstuon di bilda fling we a it a uol op di bildin nou.

Luuk 17:25

Bot mi afi sofa uol iip a sitn fos an di piipl dem fram da taim ya a-go ton dem bak pan mi.

Luuk 24:26

Unu no nuo se di Krais afi sofa dem sitn de bifuo Gad tek im op iina evn an ana im?”

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 12:48

Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

Jan 2:19

So Jiizas se tu dem se, “Tier dong an mash op da ous ya, an mi wi bil it op bak iina chrii die.”

Aks 7:35

“A da siem Muoziz ya dem did ton dem bak pan wen dem se, ‘A uu mek yu wan ruula an wan joj?’ A im siem wan Gad sen tu dem fi ruul dem an fi frii dem wid di elp a di ienjel we did taak tu im fram di bush.

1 Korintiyan 15:4

Mi tel unu se dem beri im an wen chrii die paas im kom bak alaiv, jos laik ou Gad wod se im wuda kom bak.