Maak 8:22 - Di Jamiekan Nyuu Testiment

²² Jiizas an im falara dem riich a Betsieda. Som piipl kyari wan blain man tu Jiizas an beg im fi toch im.

Maak 8:22 ပူးပေါင်းရင်းမြစ်များ

Matyu 11:21

Im se, “Chobl fi yu, Korazin! Chobl fi yu Betsieda! Ef di piipl dem we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda put ashiz pan demself an wier krokos bag fi shuo se dem miin it.

Maak 6:45

Jiizas mek im speshal falara dem go iina di buot siem taim an go bak kraas Betsieda. Bot im tan wich paat im did de til im don sen we di piipl dem.

Luuk 10:13

“Chobl fi yu, Korazin! Chobl fi yu Betsieda! Ef di piipl we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda sidong iina ashiz an wier krokos bag fi shuo se dem miin it.

Jan 12:21

Dem go tu Filip, we did kom fram Betsieda iina Gyalalii, an dem se tu im se, “Wi wuda laik ef wi kuda si Jiizas, sar.”

Jan 1:44

Filip did kom fram wan toun niem Betsieda, di sed plies Anju an Piita kom fram.

Maak 2:3

Som piipl kom de wid wan kripl man fi si Jiizas an fuo a di man dem did a kyari im.

Matyu 8:15

Im toch ar an, an di fiiva brok, an shi get op siem taim an staat luk aafa dem.

Matyu 9:29

Den Jiizas toch dem yai an se, “Kaaz unu biliiv se mi kyan mek unu si agen, unu a-go si agen.”

Matyu 8:3

Jiizas chrech out im an, toch di man an se, “Mi waahn yu fi get kliin. Gwaan yu beta nou!” An siem taim di man skin get kliin kliin.

Luuk 9:10

Di apasl dem kom bak an tel Jiizas aal a wa dem du. Den Jiizas tek dem an slip we go a wan toun niem Betsieda.

Matyu 14:36

Dem beg im fi jos mek dem toch di en a im kluoz, an evribadi we du dat get beta.

Maak 3:10

Kaaz chuu im did iil nof a dem, aal a di sik piipl dem did a push an a chrai fi get kluos so dem kuda toch im.