Maak 7:31 - Di Jamiekan Nyuu Testiment

³¹ Afta dat Jiizas lef di Taiya ieriya an go chuu Saidan go a Liek Gyalalii iina di ieriya niem Dikyapolis.

Maak 7:31 ပူးပေါင်းရင်းမြစ်များ

Matyu 11:21

Im se, “Chobl fi yu, Korazin! Chobl fi yu Betsieda! Ef di piipl dem we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda put ashiz pan demself an wier krokos bag fi shuo se dem miin it.

Matyu 4:18

Wen Jiizas did a waak saida Gyalalii sii, im si tuu breda: Saiman, we dem kaal Piita, an Saiman breda, Anju. Di tuu a dem did a fling out dem net iina di sii fi kech fish, kaa dem did a fishaman.

Matyu 4:25

Siek-a dat, wan bag a piipl staat fala baka im: piipl fram Gyalalii, di ten toun dem we dem kaal Dikyapolis, piipl fram Jeruusilem, Judiya an di plies dem we de paas Riva Jaadn.

Maak 5:20

So di man lef an staat pred di nyuuz aal uova di ten siti dem we dem kaal Dikyapolis. Im tel dem aal wa Jiizas du fi im, an evribadi did shak wen dem ier.

Maak 7:24

Afta dat Jiizas lef an go a Taiya ieriya. Im go iina wan ous, an im neva waahn nobadi fi nuo se im de de, bot im kudn aid.

Maak 7:30

Wen shi riich uom shi si ar pikni lai dong pan ar bed an di diiman gaan outa ar.