Maak 7:3 - Di Jamiekan Nyuu Testiment

³ Kaaz di Farisii dem, az a matarafak, aal a di Juu dem, no nyam til dem wash dem an kaaz dem did fala aad aad di wie ou dem faada faada dem yuus tu liv.

Maak 7:3 ပူးပေါင်းရင်းမြစ်များ

Maak 7:13

So unu yuuz di sitn dem we unu faada faada dem se, fi mek Gad wod komiin laik se it no miin notn. An unu du nof muo sitn laik dat.”

Maak 7:5

Di Farisii dem an di Laa tiicha dem aks Jiizas se, “Mek yu falara dem no du wa wi faada faada dem tiich wi fi du — a nyam an no wash dem an?”

Luuk 11:38

Di Farisii shak fi si se Jiizas no wash im an dem bifuo im staat iit (kaaz dis a sitn we di Farisii dem du kaaz dem tingk dat wi mek dem rait wid Gad).

Jan 2:6

Nou siks waata jaar we mek outa stuon did de de. Di Juu piipl dem kip waata iina dem fi wash an mek demself kliin, kaaz a dat fi dem Laa did se dem fi du. Wan a di jaar dem kuda uol bout twenti tu toti gyalan a waata.

Gyalieshan 1:14

Dem die de, mi did wie a'ed a di ada Juu dem we a did di siem iej laik mi. Kaaz mi did a fala di sitn dem we wi faada faada dem kom dong did tiich. An mi fala it muor dan di uol a dem.

Koloshan 2:8

Wach unuself! No mek nobadi chrap unu wid aagiment we onggl soun laik se dem mek sens, bot we no riili mek no sens at aal. Nuo! No mek dem tek unu ton no sliev. Dem aagiment de dis a taak bout ou piipl tingk bout sortn tingz, an bout wa faada tiich dem pikni, an we dem pikni de kom tiich fi dem pikni. Dem sitn de jos diil wid ou piipl luk pan di worl, an a jos taak bout powaful spirit we iina di worl. Dem no av notn fi du wid di chuu mesij bout Krais Jiizas.

1 Piita 1:18

Kaaz unu nuo se a no notn laik silva an guol we kyaahn laas fi eva, Gad tek siev unu fram di kain-a laif we unu did a liv. Da laif de neva wot notn. An a da laif de unu get fram unu mada an faada piipl dem we did de ya bifuo unu.