Maak 7:26 - Di Jamiekan Nyuu Testiment

²⁶ Di uman did taak Griik, an shi did bilang tu di Sairofoniisiyan chraib. Shi beg Jiizas fi ron out di diiman outa ar daata.

Maak 7:26 ပူးပေါင်းရင်းမြစ်များ

Matyu 15:22

Outa di bluu wan Kienanait uman we did liv iina da ieriya de kom kom a baal out, “Laad, Dievid pikni, tek piti pan mi du! Mi daata ful op a diiman bad bad sa.”

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Maak 7:25

Wan uman iina di ieriya did av wan likl gyal pikni we diiman did kanchuol. Siem taim shi ier bout Jiizas, shi go tu im an jrap arself a im fut.

Maak 7:27

Bot Jiizas ansa ar se, “Mek di pikni dem iit dem beli ful fos. Kaaz it no rait fi tek di pikni dem fuud an gi daag.”