Maak 7:21 - Di Jamiekan Nyuu Testiment

²¹ Kaaz a insaida sumadi aat aal kain-a wikidnis we piipl tingk op kom fram. Piipl du aal kain-a seks sin, tiif, kil piipl,

Maak 7:21 ပူးပေါင်းရင်းမြစ်များ

Matyu 15:19

Kaaz a outa di aat aal kain-a wikidnis we piipl tingk op kom fram. Wen sumadi go kil, go sliip wid sumadi we dem no marid tu ar gwaan wid aal kain-a ada seks sin, wen piipl tiif, tel lai, ar tek dem mout tier dong ada piipl — a di aat dem sitn de kom fram.

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

Maak 7:20

So im se, “A di sitn dem wa kom outa sumadi mek dem doti an no kliin iina Gad yai.

Maak 7:22

sliip wid ada piipl we dem no marid tu, waahnti-waahnti, wikid, tel lai, no bizniz wid no laa an brok evri wan a dem, red yai, tek dem mout tier dong ada piipl, shuo aaf, an ful op a aal kain-a fuulinish.

Luuk 16:15

Jiizas se tu dem se, “Unu aalwiez mek unuself luk gud tu ada piipl, bot Gad nuo unu aat. Yu si aal dem sitn we piipl lov, Gad naa no yuus fi dem.

Aks 5:4

Tel mi sopm, di lan a no did fi yu bifuo yu sel it? An afta yu sel it, di moni a did fi yu an yu kuda du eniting we yu did waahn fi du wid it. So wa mek yu tingk yu did afi lai? A no piipl yu lai tu, a Gad yu lai tu.”

Aks 8:22

Ton we fram di wikid sitn dem we yu a tingk bout an prie an beg Gad fi paadn yu. Da wie de im mait-a paadn yu fi di wikid sitn dem we yu av iina yu aat,

Ruoman 7:5

Wan taim wi did a liv ou wi waahn fi liv — wi did a mek wi badi kanchuol wi. Di sitn dem we wi badi did wel waahn fi du, did a kaaz wi fi sin. An chuu wi did nuo Gad Laa, wi staat fi sin muor an muor. Wid aal a di rang sitn dem we wi did a du a onggl ded wi did a go ded.

Ruoman 7:8

Siek-a di Laa, sin get a chaans fi stor op aal kain-a sitn iina mi. It mek mi waahn fi du aal a di sitn dem mi no fi du. Ef no Laa neva de, sin wudn av no powa.

Koloshan 3:5

Eniting we insaida unu we bilang tu da worl ya — dash it we! Mi a taak laik seks sin, an ou unu mait-a lang fi go miks op unuself iina dem sitn de. Unu mait-a no tap tingk bout dem, an waahn fi go du dem so til unu galang go du dem. Bot dem de no kliin. Unu fi dash we dat! Plos aal a di sitn dem we unu waahn waahn we no rait; plos di wikid sitn dem we unu waahn fi du. Unu fi klier dem outa unu laif! Kil dem! An unu no fi waahnti-waahnti niida; aal waahn waahn tingz we unu no niid! Wen unu du dat, a worship unu a worship dem sitn de insted-a unu a worship Gad.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

Jiemz 2:4

ef unu du dat, no paashal unu paashal? Dat shuo se unu tek said an a joj piipl rang.