Maak 7:20 - Di Jamiekan Nyuu Testiment

²⁰ So im se, “A di sitn dem wa kom outa sumadi mek dem doti an no kliin iina Gad yai.

Maak 7:20 ပူးပေါင်းရင်းမြစ်များ

Jiemz 3:6

Iivn duo di tong a paat a wi badi, it komiin laik wan torbl faiya. It ful op a wikid powa we kyan mes op yu uol laif an put yu iina so moch chobl dat it komiin laik aal el brok luus pan yu, kaaz di tong komiin laik it set pan faiya we kom chriet fram el.

Jiemz 4:1

Mi breda an sista, wa unu tingk a kaaz unu fi a waar an chries aaf unu wan aneda? No di sitn dem we iina unu aat we unu wel waahn an a fait aad aad fi get, iivn duo unu nuo se dem no rait?

Maak 7:15

Notn we de outsaida sumadi kyaahn mek dem get doti, a wa kom outa dem mout mek dem doti.”

Iibruu 7:6

Da man ya duo, Melkezidek, nobadi kudn shuo se im kom fram Liivai fambili bot im get wan outa evri ten fram Iebriyam. An a im did aal bles Iebriyam tu — wen a Iebriyam Gad did mek pramis tu.

Matyu 4:4

Jiizas ansa bak, “It rait dong iina Gad wod se, ‘Man no liv pan bred wan. Bot wi niid evri wod we kom outa Gad mout fi riili liv.”

Matyu 15:18

Bot di sitn dem we kom outa unu mout, a outa unu aat dem kom fram. An a dem sitn de wi mek piipl doti an no kliin iina Gad yai.

Maak 7:21

Kaaz a insaida sumadi aat aal kain-a wikidnis we piipl tingk op kom fram. Piipl du aal kain-a seks sin, tiif, kil piipl,

Maak 7:23

Aal a dem sitn de kom outa sumadi aat an mek dem doti an no kliin iina Gad yai.”