Maak 6:52 - Di Jamiekan Nyuu Testiment

⁵² kaaz iivn duo dem did si di mirikl we Jiizas did du wid di fish an di bred, dem stil neva andastan di powa we im av, kaaz dem ed did tof.

Maak 6:52 ပူးပေါင်းရင်းမြစ်များ

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Maak 16:14

Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Ruoman 11:7

So den, wa wi kyan jraa fram aal a dat? Di sitn dem we di Izrel piipl did a luk fa aad aad, dem neva fain it, bot di piipl we Gad pik, dem did fain it. Di res a dem, Gad mek dem ton dem aat gens im.

Maak 7:18

So im se tu dem se, “Unu miin se unu riili no get wa mi a se? Unu no nuo se notn wa nobadi iit kyaahn mek Gad rait dem aaf se dem doti?

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Jan 12:40

“Gad blain dem an im mek dem aat tof, so dem kyan niida si wid dem yai, ar andastan iina dem main, ar ton tu mi, Gad, an chienj dem wiez so mi go mek dem get beta.”