Maak 6:48 - Di Jamiekan Nyuu Testiment

⁴⁸ Im kuda si se dem did a chogl aad fi ruo di buot kaaz di briiz did a bluo gens dem. Wen die did suun lait, Jiizas waak pan tap a di waata go out wich paat dem de, kaaz im did waahn paas dem.

Maak 6:48 ပူးပေါင်းရင်းမြစ်များ

Luuk 24:28

Wen dem riich nier di dischrik we dem a go, Jiizas gwaan laik se im did a go forda.

Luuk 12:38

It wuda wok out gud fi di sorvant dem uufa maasta kom weda liet a nait ar orli orli maanin an kom kech dem bizi a wiet fi'im.

Jan 1:13

Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.

Matyu 14:24

Az fi di buot, bai nou dat did de wie out iina di sii, faar fram lan an di wiev did a bata-bata it, kaa di briiz did a bluo gens dem.

Matyu 24:43

Bot andastan dis: Ef di uona fi di ous did nuo a wa taim a nait di tiif a kom, im wudn mek di tiif brok iina im ous.

Maak 6:47

Wen iivnin kom Jiizas did stil de we im did de, im wan, an di buot did iina di migl a di sii.

Maak 6:49

Wen dem si im a waak pan tap a di waata, dem did tingk a wan dopi. So dem baal out,

Maak 13:35

“So kip wach den, kaaz unu no nuo wen di baas a kom bak — weda iina di iivnin, migl nait, wen di kak kruo, ar wen die a lait —