Maak 6:37 - Di Jamiekan Nyuu Testiment

³⁷ Jiizas ansa dem se, “Unu gi dem sitn fi nyam.” So dem se tu im se, "It wuda tek iet mont wot a pie fi bai fuud fi fiid da kroud a piipl ya! We wi fi get dat de kaina moni?"

Maak 6:37 ပူးပေါင်းရင်းမြစ်များ

Matyu 14:16

Bot Jiizas ansa dem se, “Dem no niid fi go no we. Unu gi dem sitn fi nyam!”

Matyu 18:28

“Afta im go we nou, da sed sorvant de si wan neks sorvant we uo im wan lili bit a moni wen yu tingk bout umoch im did uo di king. Di sorvant grab di neda wan chuot an staat chuok out im die lait. Im se, ‘Gi mi di moni we yu uo mi!’

Maak 6:36

Sen we di piipl so dem kyan go a di dischrik an toun dem we nier ya-so, so dem kyan bai sitn fi nyam.”

Maak 6:38

Den Jiizas aks dem se, “Umoch bred unu av? Gwaan go fain out.” So dem fain out an tel im se, “Wi av faiv bred an tuu fish.”

Luuk 7:41

Jiizas tel im se, “Tuu man did uo wan monilenda. Wan uo im faiv onjrid silva kain, an di ada wan did uo fifti.

Luuk 9:13

Jiizas ansa dem se, “Unu gi dem sitn fi nyam.” Dem ansa Jiizas an se, “Wi av onggl faiv bred an tuu fish. Ef wi fi fiid da kroud a piipl ya, wi afi go bai fuud.”