Maak 6:31 - Di Jamiekan Nyuu Testiment

³¹ Jiizas an im apasl dem kudn iivn get taim fi nyam, kaaz a di uol iip a piipl we did a kom an go, so Jiizas tel im apasl dem se, “Kom mek wi go a wan plies we nobadi no de so wi kyan get we fram di kroud, get sopm fi nyam an res likl.”

Maak 6:31 ပူးပေါင်းရင်းမြစ်များ

Maak 3:20

Nou Jiizas go baka di ous wich paat im did a stie an wan kroud a piipl did gyada op de, so im an im falara dem kudn get fi iit.

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Jan 6:1

Afta dis, Jiizas lef go uova tu di ada saida Gyalalii Sii wid im falara dem. (Dem kaal it Taibiiriyos Sii tu.)

Maak 3:7

Den Jiizas an im falara dem lef out an go dong a di sii, an wan uol iip a piipl fram Gyalalii fala im. An fram Judiya,

Matyu 14:13

Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de.