Maak 6:21 - Di Jamiekan Nyuu Testiment

²¹ Bot Eruodiyas get ar chaans pan di die wen Erad did a kip op im bortdie paati. Aal a di tap man dem iina di govament, di tap aami piipl dem, an di liida dem fram Gyalalii did de a di paati.

Maak 6:21 ပူးပေါင်းရင်းမြစ်များ

Luuk 3:1

A fiftiin ier nou Taibiiriyos did a Ed Ruula iina Ruom, im did av Ponchos Pailat a ron Judiya, Erad Antipas a ron Gyalalii, im breda Filip a ron Aituuriya an Chrakonaitis an Lizaniya did a ron Abiliin.

Aks 25:23

Di neks die wen King Agripa an Borniis did a kom di piipl dem du aal saat a sitn fi big dem op an welkom dem. So dem go iina di plies we di piipl dem gyada op fi kip kuot. Aal a di ed fi touzn suoja an di big impuotant man dem iina di siti go wid dem tu. Den Festos aada di suoja dem fi kyari iin Paal.

1 Piita 4:3

Unu spen inof taim a du wa di worliyan dem laik fi du. Iina di paas aal wa unu mosn du — a dat unu did lang fi du an galang go du. An unu yuus fi jringk uol iip aal di taim. Unu jringk chrang jringk we jongk unu aaf. Den som a di taim dem, unu an unu fren dem wuda av unu wail paati an jringk an galang wid aal kain-a naasinis. An ef dat neva bad, unu put ada gad uova Gad we av aal powa — wat a wikid wikid sitn!

Revilieshan 11:10

Di piipl dem pan di ort a-go wel api se dem tuu prafit de ded. Dem a-go paati an sen prezent go gi wan aneda kaaz dem tuu prafit de yuus tu mek di piipl dem sofa wikid wikid.