Maak 6:15 - Di Jamiekan Nyuu Testiment

¹⁵ Som ada piipl did a se, “Im a Ilaija!” Stil som ada piipl did a se, “Im a wan prafit, laik wan a di prafit dem fram wie bak wen.”

Maak 6:15 ပူးပေါင်းရင်းမြစ်များ

Matyu 16:14

Dem ansa bak, “Som se Jan di Baptis, ada piipl se Ilaija, den yu av som we se Jerimaiya ar wan a di prafit dem.”

Matyu 21:11

An di kroud a piipl dem we did a fala baka Jiizas did a se, “A di prafit Jiizas dis ya we kom fram Nazaret iina Gyalalii.”

Maak 6:16

Bot wen Erad ier aal wa di piipl dem did a se bout Jiizas, im se, “A Jan, uufa ed mi did mek dem chap aaf, a im kom bak alaiv!”

Maak 8:28

Dem se, “Som se yu a Jan di Baptis, som se Ilaija, an som se yu a wan a di prafit dem.”

Luuk 1:17

Im a-go go bifuo Gad, wid di siem Spirit an powa laik wa Ilaija did av. Im aal a-go mek faada kom bak kom lov dem pikni. An di piipl dem we neva did a ier Gad, a-go staat tingk laik gud sumadi an du wa rait. An da wie de im a-go mek piipl redi fi di Laad.”

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Luuk 7:39

Wen di Farisii we invait Jiizas si dis, im se tu imself, “Ef da man ya did a wan prafit, im wuda nuo wa kain-a uman a toch im!”

Luuk 9:19

Dem ansa Jiizas se, “Som se yu a Jan di Baptis, ada piipl se Ilaija, bot yu av di wan dem we se yu a wan a di prafit dem fram wie bak wen, we ded an kom bak.”

Luuk 9:8

Ada piipl se a Ilaija kom bak. Som se a wan a di prafit dem fram wie bak wen, kom bak alaiv.

Jan 1:21

So dem aks im se, “Den a uu yu den? Ilaija?” Jan se, “Nuo, mi a no Ilaija!” “So, yu a di prafit?” Bot Jan tel dem se, “Nuo!”

Jan 1:25

Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”

Jan 6:14

Wen di piipl dem si di powaful sitn we Jiizas du, dem staat se tu dem wan aneda, “A di Prafit we did fi kom iina di worl dis fi chuu!”

Jan 7:40

Wen som a di piipl dem iina di kroud ier we Jiizas se, dem se, “Fi riil, da man ya a di Prafit.”

Jan 9:17

Dem ton tu di man we did blain wan neks taim an aks im se, “A fi yu yai dem im mek get beta. Wa yu afi se bout im?” So di man se tu dem se, “Im a wan prafit.”