Maak 6:14 - Di Jamiekan Nyuu Testiment

¹⁴ King Erad did ier bout aal wa Jiizas did a du, kaaz evribadi did nuo bout Jiizas. Som a di piipl dem did a se, “Im a Jan di Baptis kom bak alaiv, so a dat mek im av powa iina im fi wok mirikl.”

Maak 6:14 ပူးပေါင်းရင်းမြစ်များ

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,

Luuk 13:31

Siem taim som Farisii kom tu Jiizas an se, “Lef da plies ya an go a wan neda wan. Erad waahn fi kil yu.”

Luuk 3:1

A fiftiin ier nou Taibiiriyos did a Ed Ruula iina Ruom, im did av Ponchos Pailat a ron Judiya, Erad Antipas a ron Gyalalii, im breda Filip a ron Aituuriya an Chrakonaitis an Lizaniya did a ron Abiliin.

Maak 8:28

Dem se, “Som se yu a Jan di Baptis, som se Ilaija, an som se yu a wan a di prafit dem.”

Maak 1:45

Bot di man lef an staat pred tu evribadi wa Jiizas du fi im. So fram dat Jiizas kudn go iina no toun mek nobadi si im. Im afi tan iina di konchri paat faar faar fram di toun. Bot piipl stil kip aan a kom tu im fram aal bout.

Maak 1:28

Nyuuz bout Jiizas pred faas faas aal uova di ieriya roun Gyalalii.

Matyu 9:31

Bot dem lef an tel evribadi iina da konchri de, bout wa Jiizas du fi dem.

Luuk 9:19

Dem ansa Jiizas se, “Som se yu a Jan di Baptis, ada piipl se Ilaija, bot yu av di wan dem we se yu a wan a di prafit dem fram wie bak wen, we ded an kom bak.”

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

Luuk 7:17

Da nyuuz ya bout Jiizas pred aal uova Judiya an di dischrik dem we de nier it.