Maak 6:12 - Di Jamiekan Nyuu Testiment

¹² So dem lef an staat fi priich se evribadi fi ton we fram dem sin an ton tu Gad.

Maak 6:12 ပူးပေါင်းရင်းမြစ်များ

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Luuk 13:3

Nuo! Mi tel unu, bot ef unu no sari fi di rang we unu du an chienj unu wiez, unu a-go ded siem wie laka dem.

Luuk 11:32

Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz wen Juona did waan di Ninive piipl, dem did sari fi we dem du an chienj dem wiez. Bot luk ya, sumadi we biga dan Juona de rait ya-so.

Matyu 3:8

Du di sitn dem we shuo se unu riili tap sin.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Luuk 13:5

Nuo, mi tel unu! Bot ef unu no sari fi di rang we unu du an chienj unu wiez, unu a-go ded siem wie laka dem.”

Maak 1:15

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Matyu 11:20

Den Jiizas staat kos out di siti dem wich paat im did du muos a im mirikl dem, kaa dem neehn ton we fram dem sin an beg Gad paadn.

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Luuk 9:6

So Jiizas apasl dem chravl fram dischrik tu dischrik, a priich di Gud Nyuuz an a kyuor piipl.

Maak 1:3

“Sumadi a shout iina di dezot, ‘Klier di wie fi di Laad kom chuu, mek di chrak we di Laad fi waak pan chriet.’ ”

Matyu 11:1

Wen Jiizas don tel im twelv falara dem wa fi du, im lef de-so an staat tiich an priich iina dem toun.