Maak 5:43 - Di Jamiekan Nyuu Testiment

⁴³ Bot Jiizas aada dem chrang chrang no fi tel nobadi wa apm. Den im tel dem fi gi ar sopm fi nyam.

Maak 5:43 ပူးပေါင်းရင်းမြစ်များ

Matyu 8:4

Den Jiizas se tu im se, “Mek shuor se yu no tel nobadi, bot galang a wan priis an mek im si yu. Kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu aarait nou.”

Maak 7:36

Bot Jiizas aada di piipl dem no fi tel nobadi bout wa apm, bot dem kudn kip kwaiyat, dem pred it muo an muo.

Maak 1:43

Siem taim Jiizas waan im aaf chrang chrang an sen im we.

Matyu 9:30

An dem yai uopm op. Den Jiizas waan dem aaf gud an prapa. Im se, “Luk ya nou, mek shuor se, nobadi no nuo bout dis.”

Jan 5:41

“Mi naa luk fi get big op fram piipl.

Luuk 8:56

Di pikni mada an faada did shak so til, bot Jiizas aada dem no fi tel nobadi wa apm.

Luuk 5:14

Jiizas tel im no fi tel nobadi, im se, “Jos gwaan go shuo yuself tu di priis an kyari di sakrifais we Muoziz Laa se yu fi gi wen yu skin get beta. Dat wi shuo evribadi se yu get kliin.”

Maak 3:12

Bot Jiizas wuda waan di diiman dem se dem mosn tel nobadi bout im.

Matyu 17:9

Wen dem a kom dong di mountn, Jiizas waan dem aaf se, “No tel nobadi bout wa unu si til di Man we Gad Pik ded an kom bak alaiv.”

Aks 10:41

A no evribadi did si im, onggl wi, di wan dem we Gad did pik fram wie bak wen — wi we iit an jringk wid im afta im kom bak alaiv.

Luuk 24:30

Im sidong a di tiebl wid dem. Jiizas tek bred, gi tangks, brok it an gi dem.

Maak 5:42

Di likl gyal get op siem taim an staat waak roun (shi a did bout twelv ier uol). Dem we si wa apm did shak so til.

Maak 9:9

An wen Jiizas an im falara dem did a kom dong di mountn, im gi dem aada se dem no fi se notn tu nobadi bout wa dem did si til afta di Man we Gad Pik ded an kom bak alaiv.