Maak 5:36 - Di Jamiekan Nyuu Testiment

³⁶ Bot Jiizas neva pie dem no main. Im se tu di ed fi di Juu dem choch, “No bada fried, jos biliiv.”

Maak 5:36 ပူးပေါင်းရင်းမြစ်များ

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 9:18

Wen Jiizas de de-so a se dem sitn de, aal av a sodn, wan liida fi di Juu dem choch go dong pan im nii infronta im. Im se tu Jiizas se, “Mi daata ded jos a wail ago, bot kom put yu an pan ar an shi wi kom bak alaiv.”

Maak 5:22

Den wan man niem Jairos we did inchaaj a wan a di Juu dem choch, kom wich paat Jiizas de. Wen im si im, im go dong pan im nii infronta im.

Maak 5:34

So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Luuk 8:50

Wen Jiizas ier wa apm, im se tu Jairos, “No bada fried, jos biliiv, an shi wi get beta.”

Jan 11:40

Den Jiizas se, “Duohn mi tel yu se ef yu biliiv, yu wuda si ou Gad big an powaful?”