Maak 5:34 - Di Jamiekan Nyuu Testiment

³⁴ So Jiizas se tu ar se, “Daata, kaaz yu biliiv iina mi, yu aarait nou. Gwaan wid piis iina yu aat, kaaz yu beta nou.”

Maak 5:34 ပူးပေါင်းရင်းမြစ်များ

Matyu 9:2

Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Matyu 9:22

Bot wen Jiizas ton roun an si ar, im se, “No fret daata! Kaaz yu biliiv iina mi, yu aarait nou.” An fram da taim de di uman did beta.

Maak 10:52

Jiizas tel im se, “Gwaan, kaaz yu biliiv yu get beta nou.” Siem taim di man yai dem uopm op an im kuda si, an im fala Jiizas dong di ruod.

Maak 3:10

Kaaz chuu im did iil nof a dem, aal a di sik piipl dem did a push an a chrai fi get kluos so dem kuda toch im.

Maak 5:29

Wen shi toch im, shi tap bliid siem taim, an shi fiil iina ar badi se shi get beta.

Maak 5:33

Di uman did fried an a chrimbl, kaaz shi nuo wa did apm tu ar. So shi jrap arself a im fut an tel im evriting.

Luuk 17:19

Den Jiizas se tu di man se, “Git op an go a yu yaad, yu biliiv an a dat mek yu get beta.”

Luuk 18:42

Jiizas tel im se, “Si de, yu kyan si agen. Yu kyan si kaaz yu biliiv.”

Luuk 7:50

Jiizas tel di uman se, “Kaaz yu chos iina mi, Gad siev yu. Go a yu yaad wid piis iina yu aat.”

Luuk 8:48

Jiizas tel di uman se, “Daata, kaaz yu biliiv iina mi, yu aarait nou. Gwaan wid piis iina yu aat.”

Aks 14:9

Im did a lisn tu Paal a priich bout Jiizas. Paal luk chriet pan im an si se im did biliiv iina Gad inof se Gad kuda get im beta.

Aks 15:33

Afta Juudas an Sailas spen kopl wiik wid dem, di choch piipl dem prie fi Gad bles dem an mek im piis protek dem an sen dem bak tu di liida dem iina Jeruusilem we did sen dem kom Antiyak.

Aks 16:36

Di waadn tel Paal se, “Di ruula dem sen aada fi mi let unu go. So unu frii fi go nou, so gwaan iina piis.”

Jiemz 2:16

no bada jos tel im se, “Gad bles yu yu ier. Mek shuor yu tan waam an kip yu beli ful.” Unu tingk dat kyan elp im ef unu no gi im notn at aal?