Wen di son did a go dong, di piipl dem we av sumadi we sik, kyari dem kom a Jiizas. Im put im an pan evri wan a dem an mek dem beta, no mata wa dem did sik wid.
Wen Jiizas did nier fi riich di toun giet, som piipl did a kyari out wan ded badi fi go beri. Im a did di onggl bwai pikni fi wan uman we ozban ded. Uol iip a piipl fram di toun did a waak wid ar.
Pyuubliyos faada did sik an iina bed. Im di av fiiva an wan siknis we mek im beli ron an kaaz im fi vamit. Paal go iin go si im an afta im prie fi im, im put im an pan im an mek im beta.
So Ananaiyas go a di ous we Saal did de. Im go iina di ous, put im an pan Saal an se, “Breda Saal, di Laad Jiizas, di wan we yu did si wen yu did de pan yu wie a kom ya, im sen mi tu yu. Im sen mi so yu wi kyan si agen an fi mek di Uoli Spirit kom liv iina yu.”