14 Wen dat apm, di man dem we luk aafa di ag dem ron go pred di nyuuz iina di toun an di plies dem we de nier di toun. So di piipl dem kom out fi si wa apm.
Jiizas mek dem gwaan. So di diiman dem kom outa di man, an go chriet iina di ag dem. Den di uol a di ag dem, bout tuu touzn a dem, tek aaf dong di stiip stiip il-said an joun iina di liek.
An wen dem riich we Jiizas de, dem si di man we did av iin diiman. Im did a sidong de, av aan kluoz an iina im rait main. An di piipl dem kech dem fried.