Maak 4:40 - Di Jamiekan Nyuu Testiment

⁴⁰ Den Jiizas aks dem se, “Wa mek unu fried so? Unu stil no biliiv iina Gad?”

Maak 4:40 ပူးပေါင်းရင်းမြစ်များ

Luuk 8:25

“We unu chos iina mi de?” Jiizas aks dem. Dem so fraitn wen dem si wa Jiizas du, dem aks dem wan aneda, “Tap! a wa kain-a man dis? Im taak tu aal briiz an wiev an dem du wa im tel dem fi du?”

Matyu 8:26

Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Matyu 14:31

Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”

Matyu 16:8

Jiizas did don nuo wa dem a se, so im se tu dem, “Bwai, wat a likl bit a chos unu put iina mi! Mek unu a taak mongks unu wan aneda bout ou unu naa no bred, iihn?

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Maak 4:41

Dem fried so til dem ton fuul, so dem se tu wan aneda se, “A uu da man ya? Iivn di briiz an di sii dem du wa im tel dem!”