Maak 4:38 - Di Jamiekan Nyuu Testiment

³⁸ Aal dem taim de Jiizas did faas a sliip pan wan pila iina di baka di buot. So dem wiek im op an se tu im se, “Tiicha, yu no si se wi out fi ded, yu no kier?”

Maak 4:38 ပူးပေါင်းရင်းမြစ်များ

1 Piita 5:7

Evriting we unu a wori an fret bout, gi it tu im, kaaz im kier bout unu.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Matyu 8:25

So im falara dem kom wiek im op. Dem se, “Laad siev wi! A ded wi a go ded nou!”

Luuk 8:24

Jiizas speshal falara dem wiek im op an se, “Laad! Laad! Wi a-go joun!” Jiizas get op an aada di briiz an di wiev dem fi sekl dong; an evriting get kaam.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.

Jan 4:6

an Jiekob did dig wan wel de. Wen Jiizas riich di wel, im did so taiyad im sit dong saida it. Dat did bout migl die.

Matyu 22:16

So dem sen som a fi dem falara plos Erad falara dem go a Jiizas. Dem se tu im se, “Tiicha, wi nuo se yu a taak chuut an yu riili a tiich di rait sitn bout wa Gad waahn. Yu no kier bout wa piipl tingk, kaa yu no paashal.

Maak 4:37

Aal av a sodn, som chrang chrang briiz staat bluo, an it bluo op di waata iina di buot til it nieli ful.

Maak 4:39

So Jiizas get op an taak chrang tu di briiz, an tel di sii fi sekl dong. So di briiz tap an di wiev dem sekl dong.