Maak 4:34 - Di Jamiekan Nyuu Testiment

³⁴ Evriting im tel dem im yuuz tuori fi tel dem. Bot wen im de mongks im speshal falara dem, im brok dong evriting tu dem fi mek dem andastan.

Maak 4:34 ပူးပေါင်းရင်းမြစ်များ

Jan 16:25

“Mi a yuuz picha langwij tel unu dem sitn ya. Taim a kom wen mi naa go taak da wie ya agen. Mi a-go taak tu unu plien an chriet bout mi Faada.

Maak 4:10

Afta di kroud lef, di twelv apasl an di ada piipl dem we did de roun Jiizas aks im bout di tuori dem.

Luuk 24:27

Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Matyu 13:34

Jiizas tel di kroud a piipl dem aal a dem sitn ya, an a yuuz tuori we soun laik rigl wen im a taak. Im no tel dem notn an no yuuz tuori we no soun laik rigl.

Maak 4:33

So Jiizas yuuz nof likl tuori laik dem ya fi tiich dem aal wa dem kuda andastan.

Jan 10:6

Jiizas did a tel dem wan tuori bot dem neehn andastan wa im did a se tu dem.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.