Maak 4:19 - Di Jamiekan Nyuu Testiment

¹⁹ bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Maak 4:19 ပူးပေါင်းရင်းမြစ်များ

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 19:23

Den Jiizas se tu im speshal falara dem se, “Mi tel unu dis an a chuu mi a taak, it a-go wel aad fi rich piipl go iina Gad kindom!

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Maak 4:18

Stil som piipl komiin laka di siid dem we jrap iina makabush. Dem piipl de ier Gad wod,

Luuk 10:41

Di Laad ansa ar se, “Maata, Maata, yu a bada bada yuself bout uol iip a sitn,

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

2 Piita 1:8

Ef unu av dem kain-a wiez ya, an unu riili nuo di Laad Jiizas Krais, dem sitn ya wi gruo muo an muo iina unu aat. An gud sitn wi apm iina unu laif.

Juud 1:12

Dem man ya wi mash op unu miitn wen dem kom nyam an jringk wid unu. Unu fi kip we fram dem, siem laik ou ship kyaptin chrai fi kip we fram san bangk iina shalo waata. Wen dem a nyam an jringk wid unu dem no bizniz wid nobadi onggl demself. Dem komiin laik kloud we no av no rien we briiz bluo aal bout. Dem a laik chrii we no bier no fruut wen a taim fi bier fruut. Dem jrai op, ded an get ruut op.