Maak 3:29 - Di Jamiekan Nyuu Testiment

²⁹ Bot nobadi we se torbl sitn gens di Uoli Spirit kyaahn get paadn fi dat, kaaz dem wuda sin wan sin we nobadi kyaahn get paadn fa non at aal.”

Maak 3:29 ပူးပေါင်းရင်းမြစ်များ

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Matyu 9:3

Den som a di Laa tiicha dem se tu demself se, “Bot wiet, a uu da man ya riili tingk im bi — a dis im a disrispek Gad!”

Maak 12:40

An dem chrik op di uman dem uufa ozban ded an tek we dem ous an lan, wen dem don dem prie lang prieya fi mek demself luk gud. Dem el a-go at.”

Maak 3:30

Jiizas se dat kaaz dem did se, “Im av wan diiman iina im.”

Luuk 12:10

Yu si ef unu go se notn bad bout di Man we Gad Pik, unu kyan get paadn, bot enibadi we se wikid tingz gens di Uoli Spirit an kliem se a sumadi els du di wok we a di Uoli Spirit du — dem kyaahn get paadn.

2 Tesaluoniyan 1:9

Dem a-go get ponish. Dem a-go sofa fi eva an eva, kaaz dem naa go kyan de we di Laad de, an dem naa go eva get fi si ou di Laad big an powaful.

Juud 1:13

Di wikid sitn we dem du a-go shuo op laik fraat pan sii waata. Dem piipl ya komiin laik staar we no tan we Gad put dem fi tan, so Gad a-go lak dem op iina wan daak daak plies fi eva an eva.

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.