Maak 3:23 - Di Jamiekan Nyuu Testiment

²³ So Jiizas kaal di piipl dem an tel dem wan likl tuori fi tiich dem sitn. Im aks dem se, “Ou Sietan fi ron out imself, iihn?

Maak 3:23 ပူးပေါင်းရင်းမြစ်များ

Matyu 13:34

Jiizas tel di kroud a piipl dem aal a dem sitn ya, an a yuuz tuori we soun laik rigl wen im a taak. Im no tel dem notn an no yuuz tuori we no soun laik rigl.

Maak 4:2

An im yuuz som likl tuori an tiich dem uol iip a sitn. Im se tu dem se,

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Matyu 13:3

Jiizas tel dem uol iip a tuori we soun laik rigl. Im se, “Wan faama did go fi plaant som siid.

Maak 3:24

Ef di piipl a wan kindom a iet dem wan aneda an a fait gens dem wan aneda, da kindom de kyaahn laas lang.

Maak 4:11

So im ansa dem se, “Unu get di chaans fi nuo di siikrit sitn dem bout Gad kindom. Bot di piipl dem we de outsaid, mi yuuz tuori tel dem evriting,

Maak 12:1

Den Jiizas taak tu dem an tel dem da tuori ya: “Yu did av wan man we did plaant wan griep faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.