Maak 3:17 - Di Jamiekan Nyuu Testiment

¹⁷ Jiemz an im breda Jan, Zebidii tuu bwai dem, we im kaal Buowanojiiz (dat miin man we komiin laik tonda);

Maak 3:17 ပူးပေါင်းရင်းမြစ်များ

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

Maak 14:33

So im tek Piita, Jiemz an Jan wid im an im did wel sad an im aat did evi.

Maak 5:37

Jiizas neva mek nobadi go wid im, onggl Piita, Jiemz an Jiemz breda, Jan.

Aks 12:1

Roun dem taim de, King Erad gi aada fi ares som a di choch piipl dem. Im du dat kaaz im did plan fi mek dem sofa aad aad.

Jan 21:2

Saiman Piita, Tamas (we dem kaal Didimos), Nataniyel (we kom fram Kiena iina Gyalalii), Zebidii bwai pikni dem, an tuu a Jiizas ada falara dem did de tugeda.

Maak 10:35

Jiemz an Jan, Zebidii tuu bwai dem go tu Jiizas an se tu im se, “Tiicha, wi a-go aks yu sopm an wi uop se yu wi du wa wi aks yu.”

Maak 9:2

Afta siks die Jiizas tek Piita, Jiemz an Jan wid im an di fuo a dem wan go pan wan ai mountn. Aal av a sodn Jiizas staat fi chienj rait infronta dem,

Revilieshan 10:11

Den dem tel mi se, “Yu afi go gi mesij agen bout wa Gad plan fi uol iip a piipl, fram uol iip a konchri, an we taak aal saat a langwij, an tu nof king tu.”

Matyu 4:21

Wen im lef de-so an go forda out im si tuu ada breda: Jiemz an Jan — Zebidii bwai pikni dem. Di tuu a dem did de iina di buot wid dem faada a fiks op dem net. Jiizas kaal dem.

Maak 3:16

Di twelv we im pik a did Saiman we im kaal Piita,

Maak 3:18

Anju, Filip, Bartalimyuu, Matyu, Tamas, Jiemz Alfiyos bwai, Tadiyos, Saiman di Zelat,

Luuk 9:54

Wen Jiemz an Jan, tuu a Jiizas falara dem, si wa a gwaan, dem aks im se, “Laad, Yu no waahn wi kaal dong faiya fram evn fi bon dem op?”