Maak 3:14 - Di Jamiekan Nyuu Testiment

¹⁴ Im pik out twelv man we im kaal im apasl, so dat dem kuda tan wid im an dat im kuda sen dem fi go priich,

Maak 3:14 ပူးပေါင်းရင်းမြစ်များ

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Maak 3:13

Nou Jiizas go op pan wan il an kaal aal uu im did waahn an dem kom tu im.

Maak 3:15

an dat im kuda gi dem di rait an di powa fi ron out diiman outa piipl.

Maak 6:30

Den Jiizas apasl dem gyada op roun im an tel im bout aal a wa dem did du an wa dem did tiich.