Maak 16:6 - Di Jamiekan Nyuu Testiment

⁶ Bot im se tu dem se, “No fried. Mi nuo se unu a luk fi Jiizas we kom fram Nazaret, we dem kil pan di kraas. Bot im kom bak alaiv. Im no de ya. Luk, a rait uova de-so dem did put im badi.

Maak 16:6 ပူးပေါင်းရင်းမြစ်များ

Matyu 12:40

Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Maak 1:24

“Jiizas a Nazaret, wa yu waahn wid wi? A kom yu kom fi kil wi aaf? Mi nuo uu yu bi! Yu a di Uoli Wan we kom fram Gad!”

Maak 1:27

Di piipl dem did wel shak, so dem aks dem wan aneda, “A wa dis ya? A som powaful nyuu sitn im a tiich! Da man ya aal av di powa an di rait fi aada diiman fi kom outa piipl an dem du wa im se.”

Maak 10:34

Dem a-go laaf aafa im an tek im ton preke, dem a-go pit pan im, biit im wikid wikid, an afta dat dem a-go kil im pan wan kraas. Bot chrii die afta dem kil im, im a-go kom bak alaiv.”

Maak 14:33

So im tek Piita, Jiemz an Jan wid im an im did wel sad an im aat did evi.

Maak 9:15

Wen di piipl si Jiizas, dem did shak, so dem ron go miit im siem taim.

Luuk 24:46

Jiizas tel dem se, “Dis a wa rait dong: Krais a-go sofa, im a-go ded an kom bak afta chrii die,

Aks 2:24

Bot Gad mek im kom bak alaiv an frii im fram det powa kaaz det kudn kip im dong fi eva.

Aks 4:10

lisn mi, mi waahn aal a unu an evribadi we iina Izrel fi nuo, a Jiizas Krais we kom fram Nazaret mek im beta. Jiizas we unu kil pan di kraas, an we Gad mek kom bak alaiv, a im mek da kripl man ya tan op chrang infronta unu tide.