Maak 16:16 - Di Jamiekan Nyuu Testiment

¹⁶ Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Maak 16:16 ပူးပေါင်းရင်းမြစ်များ

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Maak 1:15

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Luuk 8:12

Di wan dem we jrap wich paat piipl waak, a piipl we ier di wod, an den di devl kom tek di wod outa dem aat, so dem wi no biliiv an get siev.

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 3:5

Jiizas ansa im an se, “Fi chuu chuu, mi a tel yu se nobadi kyaahn tek paat iina Gad kindom ef dem no baan uova da taim ya iina waata an iina di Spirit.

Jan 5:24

“Mi de tel unu fi chuu chuu, enibadi we ier we mi se an chos iina di wan we sen mi, a-go liv fi eva. Dem naa go get sen fi ded. Nuo! Dem get muuv uova fram we paat dem wuda ded, an gaan uova tu we paat dem gweehn liv.

Jan 6:29

Jiizas ansa dem an se, “A dis Gad waahn unu fi du: im waahn unu fi chos iina di wan we im sen kom.”

Jan 6:35

Den Jiizas se tu dem se, “A mi a di bred we gi laif. Di sumadi we kom tu mi naa go onggri agen. Di sumadi we chos iina mi naa go torsti agen.

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Jan 8:24

A dat mek mi se tu unu se unu gweehn ded iina unu sin dem. Kaa ef unu no biliiv uu mi se mi bi, unu a-go ded iina unu sin dem.”

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 13:39

Siek-a wa Jiizas du, evribadi we biliiv iina im, Gad mek dem no gilti no muor an frii dem fram dem sin wen Muoziz Laa kudn du dat.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Aks 2:38

Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Ruoman 3:6

Nuo sa! Kaaz ef Gad no joj wi, ou im fi go joj di res a di worl?

Ruoman 4:24

it rait fi wi tu. It rait dong fi aal a wi we Gad a-go mek tingz rait wid kaaz wi biliiv iina im. Wi biliiv iina di Gad we mek wi Laad Jiizas kom bak alaiv.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

2 Tesaluoniyan 2:12

So aal a uu neehn biliiv di chuut, bot did wel glad fi tan iina sin, Gad a-go ponish dem.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”