Maak 16:14 - Di Jamiekan Nyuu Testiment

¹⁴ Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Maak 16:14 ပူးပေါင်းရင်းမြစ်များ

Matyu 11:20

Den Jiizas staat kos out di siti dem wich paat im did du muos a im mirikl dem, kaa dem neehn ton we fram dem sin an beg Gad paadn.

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 28:17

Wen dem si im, dem worship im, bot som a dem neehn tuu shuor ef a im.

Maak 7:18

So im se tu dem se, “Unu miin se unu riili no get wa mi a se? Unu no nuo se notn wa nobadi iit kyaahn mek Gad rait dem aaf se dem doti?

Luuk 24:11

Bot di apasl dem neva biliiv di uman dem, kaaz we dem did a se soun laik fuulinish.

Luuk 24:25

Jiizas se tu dem se, “Ou unu fuul-fuul so, unu aat so tof unu no waahn fi biliiv aal a wa di prafit dem se!

Jan 20:25

So di ada falara dem se tu im se, “Wi si di Laad!” Bot im se tu dem se, “Ef mi no si di niel uol dem iina im an dem an get fi put mi fingga iina dem, an ef mi no get fi put fi mi an iina im said, den mi naa go biliiv se a chuu unu a taak.”

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Jan 20:27

Den im se tu Tamas se, “Put yu fingga ya-so an luk pan mi an dem. Chrech out yu an an put it iina mi said. Tap if-an-bot, an biliiv wa yu si.”

Jan 21:1

Afta dis ya Jiizas shuo imself tu im falara dem wan muo taim. Da taim ya, im du it a di Taibiiriyos Sii. Dis a wa apm:

Jan 21:14

Nou dat mek chrii taim Jiizas shuo imself tu im falara dem afta im kom bak alaiv.

Aks 1:3

Afta im did sofa an ded pan di kraas, im kom bak alaiv an shuo imself tu im apasl dem. Im pruuv tu dem iina nof difrant wie se im alaiv. Fi bout faati die im kip aan a shuo op mongks dem taim afta taim an taak tu dem bout Gad kindom.

1 Korintiyan 15:5

An wen im kom bak alaiv im go an mek Siifas si im an den im twelv falara dem si im.

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.