Maak 15:47 - Di Jamiekan Nyuu Testiment

⁴⁷ Mieri Magdaliin an di ada Mieri, Juozif mada, did si we Juozif did beri Jiizas badi.

Maak 15:47 ပူးပေါင်းရင်းမြစ်များ

Matyu 27:56

Iina di gruup, yu did av Mieri Magdaliin, Mieri — dat a Jiemz an Juozif mada, an Zebidii bwai pikni dem mada did de de tu.

Matyu 27:61

Mieri Magdaliin an di ada Mieri did a sidong de, kraas fram di tuum.

Matyu 28:1

Nou afta Sabat don, orli Sonde maanin, di fos die a di wiik kom, Mieri Magdaliin an di neks Mieri go fi go luk pan di tuum.

Maak 15:40

Som uman did tan op forda out a wach wa a gwaan. Uman laik Mieri Magdaliin, Mieri we a Jiemz an Juozif mada (Jiemz did yongga dan Juozif), an Saluomi did de de tu.

Maak 15:46

Juozif bai som linin klaat, tek dong Jiizas badi aafa di kraas, rap im op iina di klaat an put im iina wan tuum we did dig iina wan rak. Den im ruol wan big stuon infronta di tuum.

Maak 16:1

Afta di Sabat, Mieri Magdaliin, Mieri Jiemz mada, an Saluomi bai som swiit spais fi go naint Jiizas badi.

Luuk 23:55

Di uman dem we kom wid Jiizas fram Gyalalii fala Juozif an si di tuum an ou Jiizas badi did pudong iina it.