Maak 15:43 - Di Jamiekan Nyuu Testiment

⁴³ Juozif we kom fram Arimatiya a did wan a di Juu dem liida we evribadi did wel rispek. Im did a luk fi Gad kindom. Im get briev an go tu Pailat go aks im fi gi im Jiizas badi.

Maak 15:43 ပူးပေါင်းရင်းမြစ်များ

Luuk 2:38

Siem taim Simiyan a taak tu Mieri bout Jiizas, Ana kom tu dem an staat fi priez Gad. Shi tel evribadi we did a luk fi Gad fi frii Jeruusilem, bout di pikni.

Luuk 2:25

Nou yu did av wan man iina Jeruusilem niem Simiyan. Simiyan a did wan gud sumadi we riili did a liv fi Gad. Im did a wiet fi Gad frii Izrel fram sofarieshan an di Uoli Spirit did de wid im.

Luuk 23:51

an neva did go fi wa di res a kounsl memba dem did mek op dem main fi du. Juozif did kom fram Arimatiya, wan toun iina Judiya an im did a wiet fi Gad kindom.

Aks 17:12

So nof a dem biliiv, aal nof a di Griik uman dem we kom fram rich fambili an di impuotant man dem tu.

Jan 19:38

Afta dem sitn ya apm, Juozif we kom fram Arimatiya, aks Pailat fi gi im Jiizas badi. Juozif a did wan a Jiizas falara dem, bot im neehn mek nobadi nuo kaaz im did fried a di Juu liida dem. So wen Pailat tel im se im kuda did get Jiizas badi, im tek it kyari go we.

Matyu 27:57

Nou wen iivnin kech, wan rich man fram Arimatiya we niem Juozif, kom. Im did a wan a Jiizas falara dem tu.

Filipiyan 1:14

An siek-a ou mi iina prizn, muos a di breda an sista dem get briev an a priich Gad wod, an no friedi-friedi no muor.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Maak 14:54

An Piita did de likl forda aaf a fala Jiizas aal di wie tu di liida fi di priis dem yaad. So Piita go sidong wich paat di gyaad dem de an did a mek di faiya kip im waam.

Matyu 20:16

“So di wan we no luk so impuotant we de a bak, Gad a-go push dem op a front, an di wan dem we luk laik se a dem impuotant, we de op a front, a dem a-go get push a bak.”

Matyu 19:30

Bot nof a uu de a front nou a-go de a bak, an uu de a bak a-go de a front.”

Maak 15:44

Pailat did shak fi ier se im ded aredi. Im kaal di ed fi onjrid suoja an aks im ef Jiizas ded aredi.

Luuk 23:50

Yu did av wan man we niem Juozif, we bilang tu di gruup we mek op a di ed priis an di Laa tiicha dem. Im did a wan gud an anis man,